母親節就快到啦，仲諗緊帶媽咪去邊度食好西？今次小編為大家搜羅咗全港最正嘅母親節自助餐，保證媽咪食到笑呵呵！
無論係鍾意豪華海鮮、靚景餐廳定係甜品控天堂，總有一款啱晒你心意～
快d帶住媽咪嘆返個自助餐，度過一個充滿儀式感嘅溫馨母親節啦～
即睇最新promo code及信用卡優惠
精選母親節自助餐
母親節自助餐2026推介｜目錄：
母親節自助餐2026｜九龍區
母親節自助餐2026｜1. 香港康得思酒店自助餐：紅燒冬菇海參配 18 頭鮑魚、北海道毛蟹
旺角香港康得思酒店 (Cordis) 嘅 The Place 一向以款式多同高質見稱，今年 4 月至 7 月推出「味遊東西饗樂宴」，將歐陸經典同亞洲風味結合。
母親節（5 月 9 日及 10 日）期間，餐廳更會全面升級，現場烹煮站會供應長輩最鍾意嘅紅燒冬菇海參配 18 頭鮑魚，海鮮區仲有齊加拿大凍龍蝦、北海道毛蟹、俄羅斯蟹腳同紐西蘭生蠔。
母親節自助餐2026 - 香港康得思酒店自助餐 Cordis Hong Kong｜詳情
母親節自助餐2026｜2. 香港逸東酒店自助餐：藏紅花龍蝦尾、西班牙烤乳豬、黑松露鮑魚雲吞雞煲
想帶媽媽感受熱鬧氣氛，佐敦香港逸東酒店 (Eaton HK) 嘅 普慶餐廳 (The Astor) 係極受歡迎嘅選擇。由 3 月底起，餐廳以「西班牙美食市集」為主題，主打龍蝦尾配藏紅花蒜泥蛋黃醬、西班牙烤乳豬及地道海鮮飯。
5 月 9 至 10 日母親節週末仲有限定加碼菜式，包括滋補嘅黑松露鮑魚雲吞雞煲同茄汁煎大蝦。甜品區亦有覆盆子朱古力蛋糕及香檳白桃蛋糕等精緻選擇。現場仲提供即影即有相片服務，並備有貼紙同彩筆等小朋友親手裝飾相框送畀媽媽，最有節日驚喜。
母親節自助餐2026 - 香港逸東酒店自助餐 Eaton HK｜詳情
母親節自助餐2026｜3. 朗廷酒店自助餐：花膠鮑魚燉瑤柱、燒乳豬、波士頓龍蝦
位於尖沙咀嘅朗廷酒店推出母親節自助午餐及晚餐，特別供應母親節限定「燉雞湯」，配搭魚肚、鮑魚及瑤柱，滋補首選！同時，自助餐更特設兒童專區，讓小朋友親手為媽媽整蛋糕，為媽媽送上甜蜜驚喜！
自助晚餐美食亮點有海膽壽司、燒乳豬、北京烤鴨、蒜蓉粉絲蒸波士頓龍蝦，冰鎮海鮮區有長腳蟹、麵包蟹、凍熟蝦、鮑魚。熱食方面種類亦唔少，有BBQ烤豬梅肉、燒羊肩肉配洋蔥露絲瑪莉汁、烤原條阿根廷肉眼、現場即製酥皮焗帶子等等，唔好錯過多款精緻甜品及多款口味Mövenpick雪糕！
母親節自助餐2026 - 朗廷酒店自助餐 The Food Gallery ｜詳情
母親節自助餐2026｜4. 麗思卡爾頓酒店Ritz-Carlton自助餐：103樓雲端景觀、川味主題美食
The Ritz-Carlton 103 樓嘅 Café 103 由 3 月至 5 月底，酒店特別同成都瑞吉酒店聯手，推出雲端之上嘅川味主題自助餐。
呢度由客席星廚李明景主廚坐鎮，將正宗成都風味帶到香港。必食推介包括層次豐富嘅樂山缽缽雞，同埋極致奢華嘅龍蝦麻婆豆腐、紅袍脆笋香辣蟹及川味干燒老虎蝦。晚餐時段仲可以試到招牌海鮮毛血旺同四川花椒青椒煮魚。喺全球最高酒店之一，一邊望住 180 度維港景，一邊嘆住頂級川菜，絕對係一個令媽媽印象深刻嘅高空母親節自助餐體驗。
母親節自助餐2026 - 香港麗思卡爾頓酒店 - Café 103｜詳情
母親節自助餐2026｜5. 香港喜來登酒店自助餐：必食海膽創意料理 、即切即食原條吞拿魚
The Café 由 4 月起餐廳推出「東瀛海鮮海膽夏日盛典」，由行政總廚 Paolo Federici 帶領團隊，將日本夏日祭典嘅「屋台」美食搬到自助餐桌。
呢度最震撼嘅係有超過 30 款海膽創意料理，包括海膽三文魚籽壽司塔可、海膽魚子醬脆米餅，以及濃郁嘅龍蝦汁海膽意粉，絕對係海膽迷嘅天堂。逢星期五至日晚市，仲有現場即切 15 公斤原條吞拿魚表演，視覺同味覺雙重享受。
母親節自助餐2026 - 香港喜來登酒店 - The Café｜詳情
母親節自助餐2026｜6. 都會海逸酒店自助餐：母親節燕窩主題自助餐
都會海逸酒店推出「燕歸巢・愛如珍」母親節自助餐就啱晒。喺 5 月 9 同 10 日期間，餐廳特別以燕窩做主題，將滋補同美顏概念融入多款菜式。
最吸引嘅亮點係主廚特製嘅燕窩蝦肉蜂巢，將矜貴燕窩同鮮甜蝦肉結合，賣相精緻之餘仲非常有誠意。呢個自助餐唔單止係味覺享受，仲係一份專為媽媽而設嘅節日心意。如果你喺紅磡搵緊一間氣氛優雅、主題鮮明嘅酒店同屋企人慶祝，呢個燕窩主題盛宴絕對係體面之選。
母親節自助餐2026 - 都會海逸酒店自助餐 Harbour Plaza Metropolis｜詳情
母親節自助餐2026｜7. 九龍香格里拉自助餐：母親節限定椰皇燕窩燉蛋白、「肉饗盛宴」主題
今個母親節，九龍香格里拉廚師團隊特別準備咗奢華滋味，包括醉南非鮑魚及帝王蟹蒸蛋白。凡於母親節期間惠顧，每位更可獲贈一份椰皇燕窩燉蛋白！
自助晚餐以「肉饗盛宴」為主題，供應超過二百款多國美食，必食霸氣十足嘅戰斧牛扒、紅屋牛扒、充滿異國風情嘅土耳其及伊朗烤肉串。
除咗啖啖肉之外，熱葷區仲有極具誠意嘅鐵板宮崎和牛、鐵板鵝肝，以及滋補嘅龍蝦汁燴花膠同蒜蓉牛油烤鮑魚。當然唔少得新鮮時令海鮮、精緻甜品。食物種類相當多，無論媽媽鍾意西式扒類定係亞洲熱葷，都一定搵到心水。
母親節自助餐2026 - 九龍香格里拉 Shangri-La Kowloon - Cafe Kool 咖啡廳｜詳情
母親節自助餐2026｜8. 嘉里酒店自助餐：40 款頂級海鮮、送花膠燕窩杏仁茶
大灣咖啡廳延長咗大受好評嘅「海洋珍饈盛宴」主題，提供超過 40 款海鮮佳餚，包括皇帝蟹腳、韓國莞島鮑魚、龍蝦及無限量供應嘅三文魚籽。
喺母親節期間，酒店更貼心升級，由職員為媽媽親自送上桌前海鮮拼盤。除了潮式魚露浸沙白同即叫即製海鮮豆乳石鍋，仲特別加入多款限定中菜，如鮑汁海參炆伊麵、黃金羅氏蝦及爵士螺頭花膠燉雞。最窩心嘅係，每位母親會獲贈一份滋潤養顏嘅花膠燕窩杏仁茶。
母親節自助餐2026 - 香港嘉里酒店自助餐 大灣咖啡廳 ｜詳情
- 優惠及預訂：按此預訂即享優惠
- 地點：九龍紅磡黃埔花園德豐街20號
母親節自助餐2026｜9. 帝苑酒店自助餐：葡式烤乳豬、澳門卜卜蜆、翡翠蠔皇花膠鮑魚
5 月至 6 月期間，帝苑酒店推出「品味澳門晚宴」主題，將澳門街頭美食搬到自助餐桌，必食推介有葡式烤乳豬、薯蓉焗比目魚、澳門卜卜蜆同官也街牛雜，唔使過大海都食到正宗風味。
針對母親節（5 月 9 同 10 日），酒店更加大手筆，每位入座嘅客人都會獲贈翡翠蠔皇花膠鮑魚一客，夠晒大方體面。加上雅苑座標誌性嘅室內噴泉景觀同 Live 樂隊表演，環境一流。
母親節自助餐2026 - 帝苑酒店 The Royal Garden Hotel｜詳情
母親節自助餐2026｜10. 九龍海逸君綽酒店自助餐：奉送佛跳牆、母親節限定甜品、雪花蟹腳、麵包蟹
母親節當晚，The Promenade特別為每位母親送上一盅滋補佛跳牆，更有一系列節日限定甜品，好似玫瑰士多啤梨慕絲同西瓜白酒啫喱，賣相超精緻。海鮮控媽媽一定會滿足，因為呢度有齊雪花蟹腳、麵包蟹、三文魚籽及北海道帶子，週末仲有芝士焗龍蝦。
熱葷方面更有紅燒花膠、花雕煎鴨肝及北菇扣鴨掌等長輩至愛菜式。最後記得試埋 D24 榴槤蓉同芒果拿破崙，配埋 10 款 Mövenpick 雪糕，喺維港景緻下同媽媽慶祝就最體面。
母親節自助餐2026 - 九龍海逸君綽酒店自助餐 Harbour Grand Kowloon｜詳情
母親節自助餐2026｜11. 香港W酒店自助餐：焗釀鮮蟹蓋、肉骨茶灌湯餃、送護理禮券
W酒店推出母親節自助餐，於5 月 8 至 10 日期間為每位女士準備咗焗釀鮮蟹蓋（晚餐限定）同舞茸杞子蟲草花燉烏雞，自助午餐則有特色肉骨茶灌湯餃。
甜品更係專為母親節設計，有紅莓開心果歌劇院蛋糕及士多啤梨拿破崙等精緻款式。最吸引嘅係，喺指定日子惠顧母親節自助餐仲會獲贈 30 分鐘護理禮券，6 樓更設有美容專櫃畀媽媽試用產品。
母親節自助餐2026 - 香港W酒店自助餐｜詳情
母親節自助餐2026｜12. 龍堡國際自助餐：雪花蟹爪、必試人蔘雞湯、每位母親送紅絲絨蛋糕
園林閣由 4 月起推出「日韓饗宴」主題自助餐，供應多款日韓美食。必食推介人蔘雞湯、日式吉列炸蠔。此外，仲有冰鎮海鮮如雪花蟹爪、翡翠螺，惹味熱盤如避風塘炒蝦、鐵板燒香草羊架、大蝦同牛舌。
凡於 5 月 9 至 10 日母親節週末惠顧母親節自助餐，每位媽媽即可以獲贈一件紅絲絨蛋糕！
母親節自助餐2026 - 龍堡國際 - 園林閣咖啡室｜詳情
母親節自助餐2026｜13. 8度海逸酒店自助餐：鱈場長腳蟹、香草蒜蓉烤皇帝蟹、送原盅菜膽花膠螺片燉湯
8度海逸酒店嘅「頌獻母愛‧母親節蟹皇海鮮自助晚餐」就啱晒鍾意食蟹嘅媽媽。呢個自助餐以「蟹」做主題，可以食到鱈場長腳蟹、香草蒜蓉烤皇帝蟹、黃金芝士焗蟹肉、同埋滋補嘅蟹粉扣黃金鮑魚。
除咗蟹之外，現場仲有即煎日本岩手牛伴黑松露薯蓉、煎鴨肝同焗蠔等熱門款式。而家預訂仲有低至 7 折優惠，最窩心係每位媽媽都會獲贈原盅菜膽花膠螺片燉湯乙份，夠晒滋潤。
母親節自助餐2026 - 8度海逸酒店 - 8度餐廳 ｜詳情
母親節自助餐2026｜14. 唯港薈 Hotel ICON 自助餐：燒阿拉斯加蟹腳、火焰鐵板炒藍龍蝦、D24 榴槤芝士撻
Hotel ICON 嘅 The Market推出極致奢華嘅「龍蝦阿拉斯加帝王蟹」主題，除咗有日本直送嘅燒阿拉斯加蟹腳同黃金炒蟹，最吸引係即席烹調嘅火焰鐵板炒藍龍蝦同埋火焰秘製膏蟹表演，視覺效果滿分。
除咗海鮮，The Market 嘅恆常美食亦非常強勁，包括極出名嘅海南雞飯、燉湯同印度咖喱。甜品區更加係重頭戲，除咗 GODIVA 雪糕，仲有一系列令榴槤控瘋狂嘅經典榴槤甜品，好似 D24 榴槤芝士撻同自家製榴槤雪糕。
母親節自助餐2026 - 唯港薈 Hotel ICON 自助餐 ｜詳情
母親節自助餐2026｜港島區
母親節自助餐2026｜1. 柏寧酒店 PLAYT x 老行家：王牌血燕及花膠主題！
銅鑼灣柏寧酒店 PLAYT 今年同老行家聯乘推出母親節自助餐 —— 養顏盛「燕」自助晚餐，將矜貴嘅血燕同花膠融入美食！
必試羊肚菌百花蒸釀花膠、血燕雞豆花。甜品方面更有血燕椰子意式雪糕、蘆薈伯爵茶奶凍，養顏又健康。
除咗聯乘菜式，現場依然有即開生蠔、雪蟹腳同龍蝦等海鮮供應，而家預訂仲有低至買 2 送 1 或 第2位半價 優惠，喺 18:30 到 21:30 晚市時段同媽媽慶祝就最啱。
母親節自助餐2026 - 香港柏寧酒店The Park Lane Hong Kong - PLAYT ｜詳情
母親節自助餐2026｜2. JW萬豪酒店自助餐 - JW咖啡室：燜澳洲厚花膠、新鮮龍蝦
金鐘 JW 萬豪酒店自助晚餐以用料矜貴聞名，熱葷區主打燜澳洲厚花膠、澳洲烏參以及燜原隻南非鮑魚，海鮮方面則有新鮮龍蝦、海蝦。餐廳更設有即切肉類攤位、片皮鴨同即煮麵食。
最後仲可以試埋佢哋多款自家製甜品。食物種類由國際美食到亞洲風味都一應俱全。最重要係多年來都有質素保證，非常適合喺母親節呢個重要日子，為媽媽安排一場奢華母親節大餐。
母親節自助餐2026 - 香港JW萬豪酒店自助餐 - JW咖啡室 ｜詳情
母親節自助餐2026｜3. 香港海洋公園萬豪酒店 - 海灣餐廳：鮑魚花膠燉鴨掌、奉送滋補雙燉黑雞湯
想喺母親節自助餐玩得有儀式感？香港海洋公園萬豪酒店嘅海灣餐廳推出「尊寵母親節自助餐」，除了食豐富晚餐，媽媽仲可以免費參加「天然滋潤護手霜工作坊」，DIY屬於自己嘅handcream！
美食方面，母親節自助餐於 5 月 10 日正日當晚，特別推出鮑魚花膠燉鴨掌、清蒸大海斑同薑醋豬腳等養生美饌，每位媽媽更會獲贈滋補雙燉黑雞湯。
同時，自助餐更會供應士頓龍蝦、美國頂級斧頭牛扒、片皮鴨，以及「熱帶風味」主題美食如州胡椒炒大蝦、森巴醬炒蟹等
母親節自助餐2026 - 香港海洋公園萬豪酒店 - 海灣餐廳 ｜詳情
母親節自助餐2026｜4. 合和酒店自助餐：清蒸海鮮專區、送康乃馨 + 免費即影即有相
合和酒店嘅大堂咖啡廳喺 2026 年 5 月 9 至 10 日推出母親節自助餐，除咗有齊基本嘅冰鎮海鮮、刺身同多款國際菜式，最啱長輩胃口嘅莫過於清蒸海鮮專區同中式老火靚湯。
酒店仲好貼心，喺 5 月 10 日正日當天，每位媽媽都會獲贈康乃馨乙朵，現場仲有職員幫大家影免費即影即有相，等一家人可以留低珍貴回憶，而家預訂仲有低至 85 折優惠！
母親節自助餐2026 - 合和酒店 - 大堂咖啡廳｜詳情
母親節自助餐2026｜5. 灣景國際自助餐：即開生蠔、荷葉竹籠蒸海鮮、即場香煎鴨肝
灣景廳今年推出嘅「東瀛旬味祭」自助晚餐非常有節慶氣氛。由 4 月至 6 月，餐廳以日本傳統祭典為靈感，一次過呈獻多款和風美食。
母親節自助餐重點推介荷葉竹籠蒸海鮮，可以食到鮑魚、扇貝同花雕松葉蟹鉗茶碗蒸，保留食材原汁原味。仲有香脆嘅蒲燒鰻魚脆米餅、大阪章魚燒同黑松露鵝肝炒和牛粒，加上即開生蠔、加拿大鱈場蟹腳同麵包蟹等海鮮。餐廳仲設有鐵板燒區，即場香煎鴨肝同羊扒，熱辣辣送上。
母親節自助餐2026 - 灣景國際 - 灣景廳｜詳情
母親節自助餐2026｜6. 歷山酒店自助餐：鮑汁燒皇花膠鴨掌、送椰皇燕窩焦糖燉蛋 + 可愛泰迪熊仔
今年歷山酒店嘅母親節自助餐由馬來西亞籍總廚主理，推出「味遊東南亞」主題，除咗有麵包蟹、鱈場蟹腳同紅蝦刺身等豐富海鮮，母親節正日（5 月 9 至 10 日）仲特別加入咗鮑汁燒皇花膠鴨掌同花膠響螺羊肚菌燉雞湯等滋補菜式。
最吸引嘅係，每位媽媽都會獲贈椰皇燕窩焦糖燉蛋一客同泰迪熊毛公仔一隻，儀式感十足。現場仲有新加坡胡椒炒蟹、香煎鴨肝同芒果糯米飯等特色美食，而家預訂指定日子仲有低至 7 折優惠！
母親節自助餐2026 - 歷山酒店｜詳情
母親節自助餐2026｜7. 香港西環萬怡酒店自助餐：母親節限定燉桃膠雪耳紅棗、蟹肉伊麵
位於西營盤嘅香港萬怡酒店 MoMo Cafe推出母親節自助餐，精心策劃母親節限定菜單，呈獻多款匠心滋補美食。
首要推介燉桃膠雪耳紅棗，養顏潤心，為媽媽送上貼心呵護！另有蒜蓉粉絲蒸扇貝、豐腴蟹肉伊麵、即煮龍蝦汁海鮮意粉、北菇扣鵝掌 4款鮮味滿載嘅母親節限定美食，每啖都充滿海鮮風味及豐富嘅味道層次。
自助餐招牌菜式如常供應，有季節限定嘅新鮮即開生蠔、阿根廷天使紅蝦同香草烤紐西蘭西有骨肉眼排。甜品方面，有12款味道嘅 Mövenpick 雪糕同多種配料，仲有無限暢飲 Stella Artois 生啤，CP值極高！
母親節自助餐2026 - 西環萬怡酒店｜詳情
- 優惠及預訂：按此預訂即享優惠
- 地址：西營盤干諾道西167號
母親節自助餐2026｜新界區
母親節自助餐2026｜1. WM酒店自助餐：地道東南亞美饌、奉送玫瑰白桃水晶蛋糕
WM咖啡廳推出「南洋香韻自助晚餐」，主打一系列地道東南亞美食，好似金沙粉絲蟹煲、肉骨茶同埋必試嘅即煮馬來西亞叻沙。
特別喺 5 月 9 至 10 日母親節週末，母親節自助餐內容更加升級，除咗有越式和牛湯河粉同冬陰功大蝦意粉，每位媽媽仲會獲贈一份專屬甜品「玫瑰白桃水晶蛋糕」。最驚喜嘅係，媽媽仲可以拎走價值 $287 嘅 GLYCEL 禮品套裝，以及高達 $2,330 嘅免費療程體驗券！
母親節自助餐2026 - WM酒店 - WM咖啡廳｜詳情
母親節自助餐2026｜2.香港沙田萬怡酒店自助餐：澳洲 36° South 牛肉盛宴
香港沙田萬怡酒店 嘅 MoMo Café 今年 5 月就主打「澳洲 36° South 牛肉盛宴」。呢個主題特別選用長期穀飼、肉質細嫩嘅澳洲金獎牛。
必試菜式包括烤澳洲 MB2+ 牛肩胛肉、口感軟腍嘅椰香咖喱燴牛面肉，仲有即場炮製嘅澳洲 MB2 牛板腱涮涮鍋同松露油薄燒牛頸脊。海鮮方面亦好豐富，有季節限定嘅新鮮即開生蠔、波士頓龍蝦、鱈蟹腳同麵包蟹。
母親節自助餐2026 - 香港沙田萬怡酒店自助餐 Courtyard by Marriott Hong Kong ST｜詳情
母親節自助餐2026｜3. 香港黃金海岸酒店自助餐：即燒海陸美饌、送鮮奶燉花膠及桃膠
香港黃金海岸酒店嘅聆渢咖啡廳喺 5 月 8 至 10 日母親節期間，奉送每位母親一份鮮奶燉花膠及桃膠，夠晒滋潤養顏。
呢度最出名係戶外炭烤區，母親節自助餐期間會加推蒜香扇貝、鹽燒白鱔同原隻照燒魷魚等即燒海鮮，週末仲有皮脆肉嫩嘅原隻炭烤乳豬。每位賓客仲可以嘆到一客主廚炮製嘅法式焗龍蝦米多。熱葷方面更有鮑汁花膠炆海參同養生嘅姬松茸燉竹絲雞。
母親節自助餐2026 - 香港黃金海岸酒店 - 聆渢咖啡廳｜詳情
母親節自助餐2026｜4. 荃灣西如心酒店自助餐：「 星馬滋味匯饌」主題
如果媽媽鍾意東南亞風味，Café Circles 絕對係方便之選。由 3 月中起，餐廳推出「星馬滋味匯饌」主題，將星馬兩地嘅經典味道帶到荃灣。
呢個母親節自助餐主打香料味濃嘅惹味湯底、充滿椰香同斑蘭味嘅地道菜式，當然唔少得鮮味十足嘅海鮮佳餚。最令長輩驚喜嘅係甜品區，有一系列精緻嘅娘惹甜點同埋口味濃郁嘅榴槤甜品，完美還原星馬餐桌風情。
母親節自助餐2026 - 荃灣西如心酒店自助餐｜詳情
睇完咁多間正到爆嘅母親節自助餐推介，係咪已經心郁郁想帶媽咪去食好西呢？
今次精選嘅20+間餐廳，間間都有獨特賣點，無論媽咪係海鮮控、甜品迷，定係想歎靚景，總有一間啱佢心水！
記住啊，母親節一年得一次，最緊要係趁呢個機會報答媽咪平日嘅辛勞。
唔好再諗咁多啦，快啲mark低心水餐廳，打去訂定枱先！溫馨提示，熱門日子好快full架，手快有手慢冇啊！
最正係而家 Reubird 仲有好多至抵母親節優惠，仲有送蛋糕、送花都得，快d睇睇！
相關文章：
【母親節禮物】母親節禮物推介：母親節，唔止康乃馨嘅
【母親節蛋糕】14+精緻限定款式，啖啖甜入心！
【母親節到會推介】精選8大優質高CP值母親節到會｜低至52折優惠+免運費！
【母親節花束】15+款創意花束，有錢花/永生花首飾盒/玫瑰熊